美國退市 VS 日本量化寬鬆
美國退市 VS 日本量化寬鬆
上星期尾美國聯儲局正式開始退市方案，由月買債850億美元，減少100億美元至750億美元。外界估計聯儲局會係每次議息會議中減少購買100億美元，到明年年底會完全停止買債。而加息可能會係2016年先會開始。為美國量化寬鬆年代劃上句號。
而另一方面，日本係安倍經濟學下，通脹未達到佢地想要2%，將會加大量化寬鬆額度，令日元加快眨值! 令美元兌日圓造好，升至104.36水平。故美元上試105日圓只是時間的問題。如美元兌日圓升至110水平，每百日圓兌港元將邁向七算。
美國退市加上日本加大量化寬鬆，而港元同美元掛勾，美國退市會令美元轉強，而日本加大量化寬鬆會令日元眨值加快，一正一負之下，日元對美元眨值速度加快，明年，每百日圓兌港元將邁向七算。差唔多去返2005年水平。到時買日本資產同貨品就平過7折，對出口有好大刺激作用，有利日本經濟。當亞洲多國樓市已經有好大的升幅時，另外亞洲各地政府都出招去打壓樓市時如中國,香港等，而日本個樓市重係20年前水平，加上日元貶值，將會令更多資金流入日本樓市!
我之前都講過，量化寬鬆一定會令資產升值，持有現金一定會輸得好慘。現在日本就好似美國第一次QE的情況一樣，刺激唔到經濟，就會有QE2, QE3等。日本今次加大量化寬鬆，就好似美國出QE2。今年日本股市已升到約16000點水平，通常股市比樓市行快6個月至9個月時間，當日本加大量化寬鬆，樓市升幅會逐漸浮現出來。大家都知道呢幾年係香港持有現金而冇買樓係輸得幾慘!!!
投資日本樓市最少都諗住要持有5年以上，到時如果日本退市，日元轉強，個時可能唔只賺升幅，有機會連滙價都賺埋，加埋5年收左租金，真係幾和味!!
如果覺得我寫得好可以like下我facebook page!
About Me:
80後財經博客 洋沖
學習富人的思維,發掘投資的黃金機會,努力把握同體驗。
http://blogcity.hkheadline.com/goldenexpmusic http://www.facebook.com/moneystore
|
